ლატვიის საგარეო უწყება: რუსეთს შენობების დანგრევა შეუძლია, უკრაინის ნების არა
ლატვიის საგარეო საქმეთა მინისტრმა უკრაინაში ლატვიის საკონსულოს დაბომბვის შემდეგ ქვეყნის მხარდაჭერის გაგრძელება დაადასტურა.
ლატვიის საგარეო საქმეთა მინისტრმა ბაია ბრაჟემ განაცხადა, რომ რუსეთს შენობების დანგრევა შეუძლია, მაგრამ ვერ გატეხავს უკრაინის ნებასა და ლატვიის მხარდაჭერას. განცხადება მას შემდეგ გაკეთდა, რაც რუსულმა დარტყმამ სლოვიანსკში ლატვიის საპატიო საკონსულოს შენობა დააზიანა. ცნობით, სლოვიანსკზე რუსული მართვადი ავიაბომბებით განხორციელებულ თავდასხმას ხუთი ადამიანი ემსხვერპლა, ცხრა კი დაშავდა. დაზიანდა საცხოვრებელი კორპუსები, საკონსულოს შენობა და ავტომობილები. უკრაინის პრეზიდენტმა მომხდარი მშვიდობიან მოსახლეობაზე სასტიკ იერიშად შეაფასა და აღნიშნა, რომ რუსეთი ამ ნგრევისთვის პასუხს უნდა აგებდეს. წყარო: Formula News
სხვა სიახლეები
საქართველოშტორმის დროს კაპროვანთან ზღვაში მამაკაცი დაიღუპა
24 ივლისს საღამოს კაპროვანთან, ღელვის პირობებში ზღვაში მყოფი ორი ადამიანი მაშველებმა ამოიყვანეს, თუმცა ერთი მათგანის სიცოცხლის გადარჩენა ვერ მოხერხდა.
9 სთ
პოლიტიკაექიმ გიორგი ახობაძეს 25 დღით პატიმრობა შეეფარდა
სასამართლომ ექიმსა და აქციების მონაწილეს ფეისბუქზე დატოვებული კომენტარისთვის ადმინისტრაციული პატიმრობა მიუსაჯა.
10 სთ