რუსეთი და ჩრდილოეთ კორეა ახალ საავტომობილო გზას ხსნიან

ორი ქვეყანა სასაზღვრო საავტომობილო კავშირს ხსნის, რომელიც ოფიციალურად ვაჭრობასა და ტურიზმს უნდა შეუწყოს ხელი.

რუსეთი და ჩრდილოეთ კორეა ახალ საავტომობილო გზას ხსნიან, რომელიც ორ ქვეყანას სასაზღვრო გადასასვლელით დააკავშირებს. მშენებლობა 2025 წლის გაზაფხულზე დაიწყო, ხოლო ჩრდილოეთ კორეამ საკუთარი მონაკვეთი 2026 წლის 19 ივნისს დაასრულა. ოფიციალური მიზანი ორმხრივი ვაჭრობისა და ტურიზმის ხელშეწყობაა. სამართალდამცავი ორგანიზაცია Truth Hounds-ის შეფასებით, პროექტი შესაძლოა სამხედრო-ლოგისტიკურ დერეფნად იქცეს, რომელიც რუსეთს რკინიგზასთან ან საზღვაო გზასთან შედარებით ტვირთის უფრო ფარულ გადაზიდვას გაუადვილებს. ორ ქვეყანას შორის სამხედრო თანამშრომლობა 2024 წელს პუტინისა და კიმ ჩენ ინის მიერ სტრატეგიული პარტნიორობის შეთანხმების ხელმოწერის შემდეგ გაძლიერდა. ცნობებით, კურსკის მიმართულებით 14000-ზე მეტი ჩრდილოკორეელი სამხედრო იბრძოდა. წყარო: Formula News