ევროკავშირმა უკრაინისა და მოლდოვისთვის მე-6 კლასტერის გახსნა დაამტკიცა

ევროკავშირის წევრმა ქვეყნებმა უკრაინისა და მოლდოვის გაწევრიანების მოლაპარაკებებში მე-6, გარე ურთიერთობების კლასტერის გახსნას დაუჭირეს მხარი.

ევროკავშირის ზოგად საკითხთა საბჭოს სხდომაზე წევრმა ქვეყნებმა ერთხმად დაამტკიცეს უკრაინისა და მოლდოვის გაწევრიანების მოლაპარაკებებში მე-6, გარე ურთიერთობების კლასტერის გახსნა. ოფიციალური ცერემონია 14 ივლისს ბრიუსელში გაიმართება. პარალელურად, ორივე კანდიდატისთვის იხურება მოლაპარაკებების კიდევ ხუთი თავი — მე-8, 25-ე, 26-ე, 29-ე და 30-ე. გადაწყვეტილება მას შემდეგ გახდა შესაძლებელი, რაც ივნისში უნგრეთის საწყისი წინააღმდეგობა დაძლეულ იქნა. ევროკავშირის გაფართოების ამ ეტაპს ირლანდიის თავმჯდომარეობა „სუპერ სამშაბათს“ უწოდებს. წყარო: Formula News